جب بھی بیٹی کا احترام کریں
مصطفےٰ،مرتضیٰ سلام کریں
آٹھ شوال آنیوالی ہے
پھر مصیبت نبی کی عام کریں
انکے روضے کو ڈھا گیا ظالم
ہرگھڑی حق سے جو کلام کریں
احتجاجی جلوس نکلے گا
مومنیں غم میں صبح وشام کریں
بعد مرنے کے بھی سکون چھنے
اپنا خیمہ کہاں خیام کریں
بے وفایی میں رہ گئی دنیا
سب وفادارنیک نام کریں
اپنی توحید گر بچانی ہے
بھیج ہادی دیں قیام کریں
انبیاء بولے ایک کام کریں
ذکر زہرا س میں صبح و شام کریں
بڑھکے بولی ہے آیہ تطہیر
پنجتن کے سخن کوعام کریں
جھوٹ کا جو لباس پہنے ہیں
ایسوں کو دور سے سلام کریں
چاہتے ہیں جو آسماں چھونا
انکے گھرنوکری غلام کریں
مرد عورت کی شکل پاجائے
گر اشارہ میرے امام کریں
بن پڑھے رہنمابنے کیوں ہیں
دینی ہر چیز کو حرام کریں
ابن صادق علوم باٹ گئے
ان کو پختہ کریں نہ خام کریں
آپ ہرایک کا احترام کریں
اس عمل سے بلند نام کریں
یہ چھٹے ہادی کا ہوا فرما
قبل از گفتگو کلام کریں
از نتیجہ فکر: مولانا سید شمع محمدرضوی
