عصری مظلومیت اور اسوہ علي(ع)

حوزہ/ بچوں کی چیخ و پکار سنائی دے رہی ہے، جو آج بھی اپنے بابا کے منتظر ہیں؟ ماؤں کی صدائیں آج بھی اپنے بیٹوں کی بےگناہی پر عدل و انصاف کی متلاشی ہیں؟ انسانیت لہولہان ہو رہی ہے، فلسطین و یمن میں بچوں اور عورتوں کو قتل کیا جا رہا ہے، امریکہ و اسرائیل جیسے خطرناک بتوں کی پوجا کرکے بےگناہوں کو خون کی بھینٹ چڑھایا جا رہا ہے، اس ظلم پر آواز بلند کرنیوالوں کو اٹھایا جا رہا ہے، علی علی کرنیوالے کہاں ہیں؟ مظلومیت علی کا نعرہ بلند کرنیوالے کہاں ہیں؟ آج مظلومیت انہیں بلا رہی ہے، خدارا اس درد کو سمجھیں! ایک مظلوم ماں کی چیخ و پکار پر مر مٹنے کا مقام ہے، کاش ہم نے شخصیت علی علیہ السلام میں مظلومیت کا درد سمجھا ہوتا، تو ہم میں مالک اشتر نظر آتے، سلیمان و ابوذر نظر آتے، مقداد و عمار یاسر نظر آتے۔