علامہ سید جواد نقوی کا کرم ایجنسی سانحے پر مذمتی بیان؛

پاراچنار میں ظلم و بربریت کی نوعیت مختلف، ایک مخصوص منصوبہ بندی کا حصہ ہے

حوزہ/علامہ سید جواد نقوی نے آج نمازِ جمعہ کے اجتماع سے خطاب میں سانحہ کرم ایجنسی پر گہری تشویش کا اظہار کرتے ہوئے کہا کہ ریاستی ادارے پارا چنار کے بارے میں یہ جھوٹی منطق گھڑتے ہیں کہ وہاں زینبیون موجود ہیں جو شام میں داعش کے خلاف لڑے، حالانکہ داعش کے خلاف لڑنا پاکستان کے لیے کسی صورت نقصان دہ نہیں تھا اس کے برعکس ریاست کی سبق سکھانے کی خواہش یہ ظاہر کرتی ہے کہ حکومتی ادارے داعش کے منصوبہ سازوں کے ساتھ کسی نہ کسی طرح کے مفادات رکھتے تھے۔