خطیب اہلبیت پروفیسر مولانا سید فرمان حسین،سابق ڈین شعبہ دینیات علی گڑھ مسلم یونیورسٹی نے اس دنیا سے رحلت فرمائی

حوزہ/ مولانا سید فرمان حسین صاحب مرحوم عالم با عمل ہونے کے ساتھ ساتھ ایک ذمہ دار مبلغ اور مصلح اہل قلم تھے، مذہب اہلبیت علیہم السلام کی تبلیغ و ترویج کے لئے ملک کے مختلف گوشه و کنار کے علاوہ بیرون ملک بھی تشریف لے جاتے تھے۔ تقریر و تحریر میں اصلاح و تربیت آپ کا خاصہ تھا، دینی و مذہبی مقالات کے علاوہ کئی کتابیں بھی تالیف و تصنیف فرمائی جو آپ کے باقیات الصالحات میں شامل ہیں۔  علی گڑھ مسلم یونیورسٹی کے نصاب تعلیم میں شامل آپ کی کتابیں طلاب کی تعلیم و تربیت میں مددگار اور ثواب جاریہ ہیں۔