شیعہ علماء کونسل پاکستان کے سیکرٹری جنرل حجت الاسلام عارف حسین واحدی نے لاہور میں منعقدہ ملی یکجہتی کونسل کے اجلاس سے خطاب میں عالمی حالات پر گفتگو کرتے ہوئے کہا کہ اس وقت امریکا دنیا میں ایک شیطان کا کردار ادا کر رہا ہے جو ملک اس کے سامنے نہ جھکے اس پر خود پابندی لگاتا ہے اور دوسرے ممالک کو دھمکیاں دیتا ہے کہ اگر تم نے اس ملک کیساتھ تجارت کی تو تم بھی پابندیوں کی زد میں آؤ گے-

انہوں نے کہا کہ امریکہ مردود مسلمان ممالک کو ایک ایک کر کے تباہ کرنے کی کوششوں میں مصروف ہے اور اسرائیل کو مضبوط کرنے، مسلمانوں کو تقسیم کرنے کے منحوس مشن پر گامزن ہے۔

سیکرٹری جنرل شعیہ علماء کونسل پاکستان کا کہنا تھا کہ امریکہ خطے میں گریٹر اسرائیل کی راہ ہموار کرنے اور ہر اس ملک کو تباہ اور کمزور کرنے کیلئے مسلسل اپنی منحوس کوششیں کر رھا ہے جو کسی وقت بھی اسرائیل کیلئے خطرناک ہو سکتا ہے۔ انہوں نے امریکہ کی خلیج فارس میں بے جا مداخلت  اور جنگ کے شعلے بھڑکانے کی سازش کی طرف اشارہ کرتے ہوئے کہا کہ مشرق وسطیࣿ میں امریکا واضح طور پر عالمی قوانین کی مسلسل خلاف ورزی کرتے ہوئے خطے میں جنگ کے شعلے بھڑکا رہا ہے، اس خطرناک کھیل سے خطے کی امنیت اور سالمیت کو سخت ترین خطرات لاحق ہیں- اس موقعہ پر ملی یکجہتی کونسل کی طرف سے اس امریکی دھشتگردی کی مذمت کرنی چاھئے اور امت مسلمہ کو متحد کرنے کیلئے اپنا کردار ادا کرنا چاہئے۔