حوزہ نیوز ایجنسی کی رپورٹ کے مطابق، انجمن انقلاب مہدی عج انڈیا نے مسجد سہلہ کے خطیب و امام جماعت و حکیم خاندان کی عظیم شخصیت اور ممتاز عالم دین آیت اللہ سید محمد حسین حکیم کی وفات پر تعزیتی پیغام جاری کرتے ہوئے کہا کہ مرحوم نے ے زندگی بھر خدمات سر انجام دینے کے بعد داعی اجل کو لبیک کہا۔

تعزیت نامہ کا مکمل متن اس طرح ہے: 

وَبَشِّرِ الصَّابرِینَ الَّذینَ إِذَا أَصَابَتْهُمْ مُصِیبَهٌ قَالُوا إِنَّا لِلَّهِ وَ إِنَّا إِلَیْهِ رَاجِعُونَ

آیت اللہ سید محمد حسین حکیم نے زندگی بھر خدمات سر انجام دینے کے بعد داعی اجل کو لبیک کہا ایک دانشور اور عظیم مجاہد عالم دین اور مسجد سہلہ کے خطیب و امام جماعت جہاں اہل بیت کی مرکزِ توجہ اور امام کے ظهور کے بعد آنحضرت کی مبارک جائے سکونت ہے۔

آیت اللہ سید محمد حسین حکیم کے انتقال پر ملال کی خبر نے فقید راحل اور آل حکیم کے احباب اور علمی حلقوں میں سرگرم علماء کے دل پر داغ مفارقت نقش کیا ان پیکر اخلاق و تقویٰ نے درس خارج کے علوم سے فارغ التحصیل ہونے کے بعد تدریس، کتابت، اور مذہبی اور معاشرتی سرگرمیوں کو مزید رونق اور فروغ بخشا سرزمین عراق اور دنیا بھر میں پھیلے مرحوم کے ہزاروں محب و مکتب امام صادق علیہ السلام کے عاشقان ان کی بے لوث و مخلصانہ کاوشوں کو یاد رکھیں گے۔

اس حزن اور اندوه کی گھڑی پر انجمن انقلاب مہدی (A.I.M.S) انڈیا مرحوم کے تمام لواحقین اور بیت فقاہت کے عظیم خاندان کے حضور میں تسلیت اور تعزیت پیش کرتےہیں۔

آپ کی رحلت یقینا ایک عظیم نا قابل تلافی دینی اور علمی خسارہ ہے۔
   سلام الله عليه يوم ولد و يوم مات و يوم يبعث حيّا