۲۶ فروردین ۱۴۰۳ |۵ شوال ۱۴۴۵ | Apr 14, 2024
آغا علی رضوی

حوزہ/ بلتستان یونیورسٹی کے طلباء سے گفتگو کرتے ہوئے ایم ڈبلیو ایم گلگت بلتستان کے سیکرٹری جنرل نے کہا کہ اپنے پروفیشنل امور میں بھرپور مہارت حاصل کریں، تاکہ جدید دنیا کے تقاضوں کے مطابق تابناک مستقبل بناتے ہوئے ملک اور علاقے کی تعمیر و ترقی میں بہترین کردار ادا کرسکیں۔

حوزہ نیوز ایجنسی کی رپورٹ کے مطابق، صوبائی سیکرٹری جنرل مجلس وحدت مسلمین گلگت بلتستان آغا علی رضوی نے ایم ڈبلیو ایم سکریٹریٹ سکردو میں بلتستان یونیورسٹی کے طلباء کیساتھ انٹر ایکٹیو سیشن میں حالات حاضرہ پر گفتگو کی۔

جامعہ بلتستان کے طلباء نے اس دوران ملکی سیاسی و اہم عوامی ایشوز پر سوالات کئے اور آغا علی رضوی نے تفصیلاً ان پر روشنی ڈالی۔

اپنی گفتگو میں صوبائی سربراہ ایم ڈبلیو ایم کا کہنا تھا کہ نوجوان طلباء کسی بھی قوم کا اہم ترین اثاثہ ہیں۔ طلباء اپنے آپ کو گروم کریں، ملکی اور عالمی امور پر گہری نظر رکھیں اور معاشرے میں اپنی سماجی ذمہ داریوں کو پہچانیں۔

انہوں نے طلبہ کو نصیحت کی کہ وہ اپنے پروفیشنل امور میں بھرپور مہارت حاصل کریں، تاکہ جدید دنیا کے تقاضوں کے مطابق تابناک مستقبل بناتے ہوئے ملک اور علاقے کی تعمیر و ترقی میں بہترین کردار ادا کرسکیں۔

تبصرہ ارسال

You are replying to: .