حوزہ نیوز ایجنسی کی رپورٹ کے مطابق، مدرسه امام المتقین قم المقدسہ میں حضرت فاطمه معصومه سلام اللہ علیہا کی شہادت اور مدرسه کے طالب علم سید احتشام علی کاظمی کی دادی کی وفات پر، قرآن خوانی اور مجلسِ عزاء کا اہتمام کیا گیا۔
مجلسِ عزاء میں پاکستانی طلاب نے کثیر تعداد میں شرکت کی۔
مجلس عزاء سے ایرانی معروف خطیب مولانا ملک محمدی نے خطاب کرتے ہوئے بی بی فاطمه معصومه سلام اللہ علیہا کی حیات طیبہ پر روشنی ڈالی اور بی بی کے ساتھ آنے والی بیبیوں کے بارے میں بھی تفصیل سے گفتگو کی۔
انہوں نے بی بی معصومه قم سلام اللہ علیہا کس طرح اتنے طویل راستہ پر مشکلات کا سامنا کرتے ہوئے شہادت کے مقام پر پہنچیں اور دیگر ہستیوں کی زیارت کے حوالے سے بھی تفصیل سے خطاب کیا۔
مولانا محمدی نے بی بی معصومه قم سلام اللہ علیہا کے گھر (بیت النور) کے بارے میں بھی کافی معلومات سامعین کی خدمت میں پیش کیں۔
اختتام پر معروف نوحہ خوان محمد یوسف نے نوحہ خوانی کی۔
