حوزہ نیوز ایجنسی کی رپورٹ کے مطابق، ایام فاطمیہ کی آخری مجلسِ عزاء کے دوران، اسلامی جمہوریہ ایران کے مختلف صوبوں میں 280 شہدائے گمنام کی تشییع جنازہ ادا کی گئی، تشییع جنازہ میں ہزاروں تعداد میں لوگ شریک ہوئے اور شہداء سے تجدید عہد کیا۔
واضح رہے یہ شہداء 8 سالہ دفاع مقدس میں جام شہادت نوش فرمانے والے شہداء تھے، جنہیں آج اسلامی جمہوریہ ایران کے مختلف صوبوں میں ہزاروں کی تعداد میں سول اور عسکری اعلیٰ حکام اور عوام کی موجودگی میں سپرد خاک کر دیا گیا۔
یہ بات بھی قابلِ غور ہے کہ آج اگر ایران ترقی کی اعلیٰ منازل طے کر رہا ہے تو انہی شہداء کی قربانیوں اور قوم کی ان شہداء کی قربانیوں کے ساتھ وفاداری کا نتیجہ ہے۔
