۲ آبان ۱۴۰۰ |۱۷ ربیع‌الاول ۱۴۴۳ | Oct 24, 2021
احمد شہریار

حوزہ/احمد شہریار ایک شاعر نہیں ایک تازہ فکر کا نام ہے جس کی معرفت سے سجی حقیقی خیال پروازیاں دنیائے شعر و شاعری کو نئے رموز و اوقاف سے روشناس کرارہی ہیں۔

حوزہ نیوز ایجنسیl

فکر و خیال:احمد شہریار

یار ایسے ہی نہیں عشق میں کامل ہوا میں
سالہا عشقِ نبی سے متوسل ہوا میں

آپ کے عشق کے لائق کوئی جا چاہیے تھی
بس یہی سوچ کے سر تا بہ قدم دل ہوا میں

آپ کے عشق کی خاطر متشکل ہوا دل 
آپ کے نور کی جانب متمائل ہوا میں

اس نے جب رات کی چادر میں لپیٹا دن کو
یک بیک جھوم کے مداح مزمل ہوا میں

آپ کی نعتِ لکھی اور ابوطالب کی طرح
آپ کے حلقہ احباب میں شامل ہوا میں

یہ مقام ان کی غلامی کا اثر ہے مرے دوست
یار ایسے ہی نہیں عشق میں کامل ہوا میں
 

تبصرہ ارسال

You are replying to: .
4 + 0 =