حوزہ نیوز ایجنسی کی رپورٹ کے مطابق،انجمن شعر و ادب مدرسہ امام علی ع، مدرسہ زبان و فرہنگ اور انجمن ادبی اقبال لاہوری کے باہمی تعاون سے شورِ واژه ہائے بیداری کے عنوان سے ایک شعری نشست کا اہتمام کیا گیا جس میں شہید قاسم سلیمانیؒ اور ان کے دیگر جانثار ساتھیوں کی خدمات کو خراج عقیدت پیش کیا گیا۔ اس نشست میں برصغیر پاک وہند کے علاوہ افغانستان اور تاجکستان کے نامور شعراء نے بھی اپنے کلام سنائے۔ یہ نشست مدرسہ زبان و فرہنگ کے نماز خانے میں منعقد ہوئی۔
نشست اور محفل کے اختتام پر مدرسہ زبان فرہنگ کے ثقافتی امور کے انچارج حجت الاسلام و المسلمین مسعودی اور مدرسہ امام علی ع کے ثقافتی امور کے انچارج حجت الاسلام والمسلمین جنتی نے حاضرین اور شعراء کا شکریہ ادا کیا۔ نشست کی نظامت کے فرائض جناب سلام الدین امین اور جناب احمد شہریار نے فارسی اور اردو میں انجام دی۔
