حوزہ نیوز ایجنسی کی رپورٹ کے مطابق، بحرین کے شہر "سترہ" کے الخارجیہ نامی ٹاؤن میں ایک ہفتے سے تفتیش کا سلسلہ جاری ہے اور پانچ نوجوانوں (جن کی عمریں 14 سے 15 سال ہیں) کی گرفتاری کا حکم صادر کیا گیا ہے۔ ان نوجوانوں کے نام یہ ہیں: محمد جعفر الکویتی عمر 15 سال، منتظر جعفر الکویتی عمر 14 سال، مقتدی جعفر الکویتی عمر 15 سال، أحمد فاضل أحمد حبیل عمر 15 سال اور محمد عبد الزهراء منصور عمر 15 سال۔
بحرین میں موجود اس زندان میں 500 قیدی لڑکے موجود ہیں جنہیں حکومت مخالف مظاہروں میں شرکت کرنے کے جرم میں زندان میں ڈال دیا گیا ہے۔
ادھر "جمعیت العمل الاسلامی" نے جعفر سلطان اور صادق ثامر نامی دو بحرینی قیدیوں کو علاج کی سہولت سے محروم کر دیا ہے۔ ان قیدیوں کو ناصرف علاج معالجہ کی سہولت سے محروم کیا گیا ہے بلکہ انہیں اپنے رشتہ داروں سے ملنے بھی نہیں دیا جا رہا ہے۔
