۴ مهر ۱۴۰۱ |۲۹ صفر ۱۴۴۴ | Sep 26, 2022
شفقت حسین شیرازی یوم آزادی

حوزہ / حجۃ الاسلام ڈاکٹر سید شفقت حسین شیرازی نے 14 اگست 2022ء یوم آزادی پاکستان کے حوالے سے اہل وطن کو مبارکباد پیش کی ہے۔

حوزہ نیوز ایجنسی کی رپورٹ کے مطابق، حجۃ الاسلام ڈاکٹر سید شفقت حسین شیرازی نے 14 اگست 2022ء یوم آزادی پاکستان کے حوالے سے اہل وطن کو مبارکباد پیش کی ہے۔ ان کی تحریر کا متن حسبِ ذیل ہے:

اہلِ وطن کو جشنِ آزادی مبارک ہو۔ مملکت خداداد پاکستان اللہ تبارک و تعالی کی عظیم نعمت ہے۔ بانیان پاکستان حضرت قائد اعظم محمد علی جناحؒ اور ان کے ساتھیوں کے پیش نظرایک ایسا خود مختار، آزاد اور مستحکم پاکستان تھا جہاں تمام مذاہب کے ماننے والے اور مختلف اقوام سے تعلق رکھنے والے مل جل کر آزادانہ، خوشحال اور باوقار زندگی گزار سکیں۔

پاکستان بنانے کا دوسرا مقصد ایک ایسی ریاست کی تشکیل تھی جہاں کلمۃ اللہ کی بالادستی ہو یعنی جہاں اسلامی شریعت کے اصولوں اور اسلامی طرز حیات کا غلبہ ہو۔

قیام پاکستان کے 75 ویں جشن آزادی کے موقع پر ہم اس عزم کا اعادہ کرتے ہیں کہ وطن عزیز کی تعمیر و ترقی میں بھرپور کردار ادا کریں گے اور اسے بانیان پاکستان کے خواب کی روشنی میں ایک حقیقی اسلامی فلاحی ریاست بنائیں گے۔اللہ تعالی وطن عزیز کو دن دگنی اور رات چوگنی ترقی عطا کرے۔

لیبلز

تبصرہ ارسال

You are replying to: .
6 + 1 =