حوزه نیوز ایجنسی کی رپورٹ کے مطابق، اسلامی تعاون تنظیم کی انسان دوستانہ سرگرمیوں کے تسلسل اور افغان ہلال احمر کے تعاون سے افغانستان کے عوام کیلئے 13,650 خوراک کے پیکیجیز بھیجے گئے اور ان امدادی سامان کو کابل کے شہروں لوگر، ننگرہار، لغمان اور نورستان میں تقسیم کیا گیا۔

اسلامی تعاون تنظیم کے نمائندے کے مطابق، امداد کا یہ سلسلہ جاری رہے گا اور ہم مزید امدادی سامان جمع کرنے کے دوسرے مرحلے میں مصروف عمل ہیں تاہم انہیں بہت جلد افغان عوام تک بھیجیں گے اور افغانستان کے مختلف علاقوں میں بھیجا اور تقسیم کیا جائے گا۔

یہ بات قابل ذکر ہے کہ اسلامی تعاون تنظیم اقوام متحدہ کے بعد دوسری بین الاقوامی تنظیم ہے جو 57 ممالک کی رکنیت کے ساتھ دنیا کے چار براعظموں میں سرگرم عمل ہے۔