حوزہ نیوز ایجنسی | مصنوعی ذہانت (AI) معلومات اور ڈیٹا پروسیسنگ سے بھری ایک مشین سے کہیں زیادہ ہے۔
مصنوعی ذہانت (AI) ایک ایس رجحان ہے جو مفید بھی ہو سکتا ہے اور خطرناک بھی، لیکن تنازعات اور طاقت کی خواہش سے بھری دنیا میں، اس کے تباہ کن ہونے کا امکان کہیں زیادہ ہے۔
یہ ٹیکنالوجی ٹیکنیک کی ترقی کا ایک نیا مرحلہ ہے؛ ایسی ٹیکنیک جو پرانی صنعت کے برعکس، انسان کی ضرورت سے وجود میں نہیں آئی بلکہ جدید دنیا کے ذات اور انسان کی فطرت پر تسلط کی خواہش سے پیدا ہوئی ہے۔ ٹیکنیک اپنا راستہ خود طے کرتی ہے اور انسان کو انحصار کی طرف لے جاتی ہے یہاں تک کہ خدشہ ہے کہ انسان اس کا غلام بن جائے گا۔
مصنوعی ذہانت (AI)، حقیقت کو تبدیل کرنے اور معلومات کو کنٹرول کرنے کی طاقت کے ساتھ، دنیا کے نظم و ضبط کو درہم برہم کر سکتی ہے اور سیاسی طاقتوں کے ہاتھ میں کھلونا بن سکتی ہے، نہ کہ سائنسدانوں کے ہاتھ میں ایک آلہ۔
اس میں نہ عقل ہے نہ اخلاق؛ صرف ڈیٹا ہے اور حساب کتاب کی صلاحیت۔ "فرینکنسٹائن کے عفریت" کی طرح، یہ ایک تباہ کن وجود میں بدل سکتا ہے جسے قابو کرنا ممکن نہ ہو۔
اس کے باوجود، مصنوعی ذہانت (AI) سے منہ نہیں موڑا جانا چاہیے لیکن اس کے ساتھ اندھے سحر سے پرہیز کرنا چاہیے۔ اس کی صلاحیتوں اور نااہلیوں کی حدود کو پہچاننا ضروری ہے اور سائنسدانوں سے درخواست کرنی چاہیے کہ وہ اس کے سوالات اور ابہامات کو واضح کریں۔
انسان ٹیکنالوجی سے بچ نہیں سکتا، لیکن اسے کوشش کرنی چاہیے کہ اپنا تعلق اس کے ساتھ باشعور طریقے سے منظم کرے کیونکہ ہم ابھی تک نہیں جانتے کہ ٹیکنالوجی کا یہ راستہ کہاں جا کر ختم ہو گا۔
آپ کا تبصرہ