حوزہ نیوز ایجنسی کی رپورٹ کے مطابق ایرانی دفتر خارجہ میں یورپی میڈیا کے وفد سے بات کرتے ہوئے ایرانی وزیر خارجہ جواد ظریف کا کہنا تھا کہ ایران خطے میں جارحانہ عزائم نہیں رکھتا۔

انہوں نے کہا کہ امریکہ بتائے کے وہ مشرق وسطیٰ میں کیا کررہا ہے۔ کس وجہ سے اس کے فوجی عراق میں ہیں، جبکہ عراقی حکومت نے امریکہ سے فوجی نکالنے کا مطالبہ کیا ہے۔ کرائے کے فوجی کسی ملک کی حفاظت نہیں کرسکتے۔

ان کا مزید کہنا تھا کہ عرب برادر ممالک سے ایران کے مذہبی اور ثقافتی رشتے ہیں۔ مقامات مقدسہ کی حفاظت ہر مسلمان کا فرض ہے۔ ایرانی قوم عالم اسلام کی پاسبان ہے۔