تاثرات بابت کتاب’’تاریخ مدرسہ باب العلم، مبارکپور ‘‘

حوزہ/ مولانا سید محمد جابر جوراسی صاحب قبلہ واعظ: ۱۹۲۹ء؁ میںمبارک پور میں دینی مدرسہ ’’ باب العلم ‘‘ کا قیام ۔تعلیمی اور دینی مراکز کے قیام نو کی ہوا چلی تو ۱۹۱۹ء؁ میں مدرسۃ الواعظین لکھنؤ اور شیعہ کالج لکھنؤ کا قیام ہوا۔ مدرسۃ الواعظین لکھنؤ کے مبلغین نےا س تحریک کو دوسرےمقامات پر عام کیا۔ مبلغ اسلام مولانا جواد حسین صاحب قبلہ نے اس ضمن میں اپنے وطن مبارک پور کی محرومی کو دور کیا اور شاندار مدرسۂ باب العلم وجود میں آگیا‘‘۔

حوزہ نیوز ایجنسی |

تحریر: حجۃ الاسلام مولانا ابن حسن املوی صدرالافاضل،واعظ

تاثرات: باب العلم مبارک پور ایک دینی درسگاہ ، ایک تحریک، از قلم : عالیجناب مولانا سید محمد جابر جوراسی صاحب قبلہ واعظ ، مدیر ماہنامہ اصلاح لکھنؤ

الحمد لاھلہ والصلوٰۃ علیٰ اھلھا

مشرقی یوپی کی شیعی جمیت والی معروف آبادیوںمیں سے قصبہ مبارک پور ضلع اعظم گڑھ کا نام نمایاں ہے۔ اگر چہ برادران اہل سنت کی تعداد ان سے بھی زیادہ ہے اور دونوں میں ٹکراؤ کی نوبت آتی رہی ہے۔ جس سے امت مسلمہ کمزوری کا شکار ہوئی ہے۔ شیعوں میں بھی لا یعنی اختلاف نے شیعوں کی ترقی میں روڑے اٹکائے ہیں پھر بھی نامساعد حالات میں ، کارنامے انجام دے کر قوم کی زریں تاریخ رقم کرنےوالوں کی کمی نہیں رہی ہے۔ ایسے مجاہدوں میں بجا طور پر مبلغ اسلام مولانا جواد حسین صاحب قبلہ صدر الافاضل واعظ کا اسم گرامی انفرادی حیثیت رکھتا ہے۔ ان کے دو کارناموں کو قطعاً نظر انداز نہیں کیا جاسکتا ایک تو مدرسۃ الواعظین لکھنؤ کی جانب سے ہینگو ضلع کوہاٹ پنجاب میں ان کے تبلیغی خدمات ، دوسرے ۱۹۲۹ء؁ میںمبارک پور میں دینی مدرسہ ’’ باب العلم ‘‘ کا قیام ۔تعلیمی اور دینی مراکز کے قیام نو کی ہوا چلی تو ۱۹۱۹ء؁ میں مدرسۃ الواعظین لکھنؤ اور شیعہ کالج لکھنؤ کا قیام ہوا۔ مدرسۃ الواعظین لکھنؤ کے مبلغین نےا س تحریک کو دوسرےمقامات پر عام کیا۔ مبلغ اسلام مولانا جواد حسین صاحب قبلہ نے اس ضمن میں اپنے وطن مبارک پور کی محرومی کو دور کیا اور شاندار مدرسۂ باب العلم وجود میں آگیا۔ جو بحمد اللہ آج بھی سر گرم عمل ہے۔ اگر انتظامیہ کمیٹی کے ارکان کے اختلافات نے وقتاً فوقتاً سر نہ اٹھایا ہوتا تو آج یہ ادارہ مزید روبہ تر قی ہوتا۔ ہر ادارہ کی انتظامیہ کو اس مسئلہ کو سنجیدگی سے لینا چاہئے ان کی وجہ سے ترقی متاثر نہ ہو ورنہ امام عصرؑ کے سامنے ضرور جوابدہ ہونا ہوگا۔

مدرسۃ الواعظین لکھنؤ ہی کے ایک واعظ برادرم الحاج مولانا شیخ ابن حسن املوی صدر الافاضل کو معبود نے توفیق سے نوازا ہے انہوں نے مدارس کی تاریخ قلم بند کرنے میں اپنی منفرد شناخت قائم کی ہے۔ مدرسۃ الواعظین لکھنؤ ۔ سلطان المدارس لکھنؤ اور اب باب العلم مبارک پور کی تاریخ ان کی سعی و کوشش سے مرتب ہوکر مستقبل کی نسل کی رہنمائی کے لئے آمادہ ۔ ؎

اللہ کرے زور قلم اور زیادہ فقط، سید محمد جابر جوراسی

(ما خوذاز کتاب ‘‘تاریخ مدرسہ باب العلم ،مبارکپور‘‘صفحہ ۹)

تاثرات بابت کتاب’’تاریخ مدرسہ باب العلم، مبارکپور ‘‘