حوزہ نیوز ایجنسی کے مطابق، قائد ملت جعفریہ پاکستان علامہ سید ساجد علی نقوی نے وزیر اعظم کے اس فیصلے پر کہ عالمی منڈی میں تیل کی قیمتیں کم ہوئی ہیں، اس کا فائدہ عوام کو منتقل کرنے کے بجائے کسی اور مد میں خرچ کیا جائے گا، پر تبصرہ کرتے ہوئے کہا: عوام کا پیسہ عوام کی مرضی کے پوچھے بغیر خرچ کرنا درست نہیں۔ ایسی ضروری مد کیلئے اخراجات قومی خزانہ سے کئے جائیں۔
انہوں نے مزید کہا: علاوہ ازیں خدشہ یہ ہے کہ یہ فنڈ نچلی سطح پر جاتے جاتے مسنگ پرسنز کی طرح لاپتہ ہو جائے گا۔
علامہ سید ساجد نقوی نے کہا: عوام کوبنیادی سہولیات فراہم کرنا، مہنگائی کا خاتمہ حکومت کی اولین ذمہ داری ہے اور مہنگائی کے خاتمے اور عوام کو فائدہ بہم پہنچانے کیلئے اپنے فیصلوں پر نظر ثانی کرتے ہوئے ٹھوس اور مؤثر عملی اقدامات کئے جائیں تاکہ تیل کی قیمتوں میں کمی کا فائدہ براہ راست عوام کو پہنچے جس سے مہنگائی میں مزید کمی ہو گی اور عوام خوشحال اور ملک ترقی کی جانب گامزن ہو گا۔
آپ کا تبصرہ