حوزہ نیوز ایجنسی کی رپورٹ کے مطابق، 19 نومبر بروز بدھ مدرسہ القائم، قم میں مجلس وحدت مسلمین کے وائس چیئرمین حجت الاسلام و المسلمین سید احمد اقبال رضوی نے درسِ اخلاق اور موجودہ سیاسی حالات پر خطاب کیا۔
خطیب محترم نے طلاب کو اخلاقی تربیت، اجتماعی ذمہ داری اور عصرِ حاضر کے تقاضوں پر اہم نکات سے آگاہ کیا۔ جس کے بعد طلاب نے اپنے سوالات پیش کیے جن کے آپ نے مدلل جوابات دیئے۔
نشست کے اختتام پر مدرسہ القائم کے اساتید و اسٹاف نے معزز مہمانوں کا شکریہ ادا کرتے ہوئے ایسے دروس کے تسلسل کی درخواست کی اور چیئرمین مجلس وحدت مسلمین سینیٹر علامہ راجہ ناصر عباس جعفري کی دینی و سیاسی جدوجہد کو سراہا اور ان سے استفادہ کی خواہش کا اظہار کیا۔
قابل ذکر ہے کہ اس موقع پر مجلس وحدت مسلمین شعبہ قم کے صدر حجت الاسلام سید ذیشان حیدر الحسنی بھی ہمراہ تھے۔
آپ کا تبصرہ