حوزہ نیوز ایجنسی کی رپورٹ کے مطابق، حضرت سید الشہداء امام حسین علیہ السلام اور آپ کے وفادار اصحاب کے اربعین کے غم میں مرحوم آیت اللہ العظمیٰ لطف اللہ صافی گلپائیگانی (قدس سرہ الشریف) کی ایک مؤثر اور سوز و گداز سے بھرپور نظم پیش کی گئی ہے۔
اربعینِ شہیدان
اربعین ہے، اور شہیدانِ کربلا کے غم میں دل خون کے آنسو رو رہا ہے؛ جسے بھی دیکھتا ہوں، غم زدہ اور افسردہ نظر آتا ہے۔
یوں محسوس ہوتا ہے جیسے حضرت زینبؑ شامِ بلا سے لوٹی ہوں، یا حضرت ربابؑ اپنے شیرخوار حضرت علی اصغرؑ کے غم میں دل گرفتہ کھڑی ہوں۔
یا گویا حضرت لیلیٰ اپنے فرزند کی قبر پر آئی ہیں، جن کی اشک بار آنکھیں دریائے جیحون کی مانند بہہ رہی ہیں۔
یا یہ حضرت قاسمؑ کی والدہ ہیں، جو اپنے ناکامِ آرزو نوجوان کے حسین چہرے اور موزوں قد و قامت پر زار و قطار رو رہی ہیں۔
کوفہ کے راستے سے لے کر شام تک، یزید کے ظلم و ستم کے دور میں کسی نے امام سجادؑ سے نہ پوچھا کہ آپ پر کیا گزر رہی ہے۔
شیرِ خدا حضرت علیؑ کی بیٹی، آلِ رسولؐ کی ترجمان حضرت زینبؑ نے ایسے رعب و جلال سے حق کا اعلان کیا کہ کفر اور ظلم کی بنیادیں لرز اٹھیں۔
آپؑ نے ایسا خطبہ ارشاد فرمایا کہ ثابت کر دیا، یزیدِ شقی دینِ خدا سے خارج تھا۔
دینِ اسلام، امام حسینؑ کے عزم، ایثار اور قربانی سے زندہ ہے؛ حق، آزادی اور اسلام ان کے احسان مند ہیں۔
آؤ! دیکھو کہ راہِ خدا میں میدانِ جنگ شہداء کے پاک خون سے گلزار بن چکا ہے۔
ہائے افسوس! پیاسے لبوں والے امام کو شہید کر دیا گیا، اور ان کے پاک جسم پر بے شمار زخم لگائے گئے۔
کربلا کی داستان، صبر، قیام، فداکاری، جانثاری اور دین کی سربلندی کی لازوال داستان ہے۔
تاریخ میں حسین بن علیؑ کا نام ہمیشہ حق پر ثابت قدمی اور نصرتِ الٰہی کے ساتھ زندہ رہے گا۔
حزب اللہ اور خدا کے مددگاروں کی عزت ہمیشہ قائم رہے گی، جبکہ باطل کے خیمے اور اس کے تمام گروہ الٹ دیے جائیں گے۔
جو شخص اخلاص کے ساتھ ولایت کے مضبوط قلعے میں داخل ہو جائے، وہ جہنم کی آگ، خوف اور ہر خطرے سے محفوظ رہتا ہے۔
"لطفی"! انجامِ کار سے کبھی مایوس نہ ہو، کیونکہ حسین بن علیؑ کی عنایتیں ہمیشہ سعادت اور خیر و برکت کا باعث ہیں۔
آپ کا تبصرہ