۱ اردیبهشت ۱۴۰۳ |۱۱ شوال ۱۴۴۵ | Apr 20, 2024
کویت نے اسرائیلی مصنوعات فروخت کرنے والی دکان  بند کر دیا

حوزہ/ کویت کی وزارت صنعت و تجارت نے اسرائیلی مصنوعات فروخت کرنے والی ایک دکان کو بند کر دیا ہے۔

حوزہ نیوز ایجنسی کی رپورٹ کے مطابق، القدس العربی اخبار کی رپورٹ کے مطابق کویت کی وزارت صنعت و تجارت نے ایک بیان جاری کرتے ہوئے کہا کہ کویت کے دارالحکومت کے علاقے الشویخ میں انسپکٹروں کی ٹیم نے  چھاپے کے دوران ایک ایسی دکان کو بند کرنے کا حکم دیا ہے جس میں اسرائیلی ساخت کی گاڑیوں کے اسپئیر پارٹس فروخت ہو رہے تھے۔

کویت کی وزارت صنعت و تجارت نے اپنے بیان میں کہا کہ اس ملک میں اسرائیلی ساخت کی مصنوعات کی فروخت پر پابندی ہے۔

کویت نے اسرائیلی مصنوعات کا بائیکاٹ ایسے وقت میں کیا ہے کہ جب حال ہی میں اسرائیل کے ساتھ بحرین اور عرب امارات کے تعلقات کی بحالی کے بعد امریکی صدر ٹرمپ نے کہا تھا کہ کویت بھی اسرائیل کے ساتھ تعلقات برقرار کرنا چاہتا ہے، تاہم کویت نے امریکی صدر ٹرمپ کے بیان پر رد عمل دکھاتے ہوئے کہا کہ کویت، اسرائیل کو تسلیم نہ کرنے کے اپنے اصولی موقف پر قائم ہے۔

تبصرہ ارسال

You are replying to: .