۶ آذر ۱۴۰۰ |۲۱ ربیع‌الثانی ۱۴۴۳ | Nov 27, 2021
ملک گیر علماء و ذاکرین کانفرنس

حوزہ/ اس کانفرنس کا انعقاد ’’ادارہ علمائے شیعہ‘‘ کے زیر اہتمام وفاق المدارس الشیعہ پاکستان کے صدر آیت اللہ سید ریاض حسین نجفی ، جامعہ الکوثر اسلام آباد کے پرنسپل و مفسر قرآن علامہ شیخ محسن علی نجفی اور سربراہ شیعہ علماء کونسل علامہ سید ساجد علی نقوی کی میزبانی میں کیا جارہا ہے۔

حوزہ نیوز ایجنسی کی رپورٹ کے مطابق،ملک پاکستان میں عزاداری امام حسینؑ پر قدغن کی کوششوں اور ملت تشیع کے حقوق کی ہونے والی پامالی اور عزاداری دشمن و تشیع دشمن کانفرنسوں کے خلاف 15 صفر کو اسلام آباد میں ملک گیر کانفرنس بعنوان ’’ علماء و ذاکرین کانفرنس برائے تحفظ حقوق ملت و تحفظ عزاداری‘‘ کا انعقاد کیا جارہا ہے۔

’’ علماء و ذاکرین کانفرنس برائے تحفظ حقوق ملت و تحفظ عزاداری‘‘ کا انعقاد 15 صفر 1443 بمطابق 23 ستمبر 2021 بروز جمعرات بمقام جامع امام صادقؑ جی نائن ٹو مین کیا جارہا ہے۔

اس کانفرنس کا انعقاد ’’ادارہ علمائے شیعہ‘‘ کے زیر اہتمام وفاق المدارس الشیعہ پاکستان کے صدر آیت اللہ سید ریاض حسین نجفی ، جامعہ الکوثر اسلام آباد کے پرنسپل و مفسر قرآن علامہ شیخ محسن علی نجفی اور سربراہ شیعہ علماء کونسل علامہ سید ساجد علی نقوی کی میزبانی میں کیا جارہا ہے۔

اس کانفرنس میں ملک بھر کے علماء ،ذاکرین، خطباء اور اہم تنظیمی و ملی شخصیات شرکت کریں گی اور اربعین امام حسینؑ سے قبل قومی اتحاد کے ساتھ حالات کا مقابلہ کرنے کیلئے لائحہ عمل طے کیا جائے گا۔

واضح رہے کہ اس وقت وطن عزیز میں عزاداری امام حسینؑ اور ملت تشیع کے حقوق کے خلاف بیرونی ایجنڈے پر منظم سازش جاری ہے تاکہ ملک میں فرقہ واریت کی آگ کو بھڑکا کر ناامنی پیدا کی جاسکے اور اس سازش میں حکومت اور سیکیورٹی اداروں میں موجود کالی بھیڑیں بھی اپنا کردار ادا کررہی ہیں۔

اسلام آباد میں ’’ملک گیر علماء و ذاکرین کانفرنس برائے تحفظ عزاداری‘‘ کا اعلان
اسلام آباد میں ’’ملک گیر علماء و ذاکرین کانفرنس برائے تحفظ عزاداری‘‘ کا اعلان

تبصرہ ارسال

You are replying to: .
1 + 6 =