حوزہ نیوز ایجنسی کی رپورٹ کے مطابق؍30 اپریل 2022 مطابق 28 رمضان المبارک 1443 کو عالم اسلام کے روحانی و معنوی شہر قم المقدس میں استاذ الشعراء شائق میرٹھی صاحب کی مجلس ترحیم منعقد ہوئی۔
حجت الاسلام و المسلمین جناب مولانا حیدر عباس رضوی نے آیت اللہ ابن علی صاحب کی عالمانہ اور زاہدانہ زندگی کے کچھ پہلوؤں پر روشنی ڈالی۔ آپ نے سورہ سبا کی 46 ویں آیت کو سرنامہ کلام بنایا اور منصبیہ عربی کالج میں حجت الاسلام و المسلمین ذاکر کشمیری سے لیکر لکھنؤ میں استاذ محترم کے سامنے خود اپنے زانوئے ادب تہہ کرنے سے متعلق یادگار لمحات و واقعات کا تذکرہ کیا۔

مجلس کے اختتام پر تقریب میں موجود مختلف مدارس، اکیڈمی و انسٹیٹیوٹ کے سرپرست و مدیر، خطبائے نامور، حجج الاسلام و المسلمین مولانا ضیغم الرضوی خطیب اہلبیت ع، مولانا ۔۔۔ مولانا کفایت حسین، مولانا سلیم علوی، مولانا محمد علی عون، مولانا تنویر حیدر، مولانا سید لیاقت علی کاظمی، مولانا ذیشان حیدر، مولانا اشرف علی، مولانا جواد صاحبان نے استاذ الاساتذہ سے متعلق تین کتابوں کی رونمائی کی۔

اس موقع پر موصوف کے فرزند حجج الاسلام و المسلمین مولانا شاہوار حیدر و مولانا محمد باقر رضا سعیدی صاحبان موجود تھے۔
مجلس کے بعد تمام حاضرین نے با جماعت نماز مغربین ادا کی اور افطار کیا۔ یہ تقریب ادارہ اسلام فہمی دہلی کے شعبہ قم کی جانب منعقد کی گئی تھی۔