حوزہ نیوز ایجنسی کی رپورٹ کے مطابق،پھندیڑی سادات کے محلہ حضرت ابوطالب میں جناب امیر حیدر نمبردار مرحوم کے یہاں ہونے والے زنانے عشرہ محرم میں کربلا کے سب سے کمسن شہید جناب علی اصغر کی یاد منائی گئی خواتین نے اپنے بچوں کو مخصوص لباس پہنا کر بتایا کہ اگر یہ بچے کربلا میں ہوتے تو امام حسین علیہ السلام کی نصرت کرتے۔
اس پروگرام میں خواتین کی کثیر تعداد نے شرکت کی اور کربلا میں انسانیت کو انصاف اور سماج کو امن اور سکون سے بھرنے والے کمسن شہید کی شہادت کا پرسہ ان کی دادی فاطمہ زہرا کو دیا۔
مجلس سے خواہر شادما صاحبہ نے خطاب کرتے ہوئے یوم علی اصغرؑ کی اہمیت اور شہادت علی اصغرؑ کی افاقیت کو بیان کیا۔
10:13 - 2023/07/29