حوزہ نیوز ایجنسی کی رپورٹ کے مطابق، کربلائے معلی میں حرم امام حسین علیہ السلام کے قریب امام علی روڈ (شارع امام علی ) پر گیس سلنڈر پھٹنے اور آگ لگنے کے نتیجے میں اس روڈ کو بند کر دیا گیا اور ریسکیو اور فائر بریگیڈ کو فوری طور پر علاقے میں روانہ کر دیا گیا۔

مقامی ذرائع کا کہنا ہے کہ جس وقت یہ واقعہ پیش آیا اس وقت کچھ زائرین اس سڑک پر موجود تھے اور وہ تیزی سے منتشر ہوگئے، تاہم تقریباً 40 زائرین آگ میں پھنس گئے اور ان کی امدادی کارروائیاں جاری ہیں۔

بتایا جاتا ہے کہ اس واقعے میں اب تک 8 افراد جاں بحق ہو چکے ہیں جن کی شناخت نہیں ہو سکی ہے۔

آگ کی لہریں اتنی تیز تھیں کہ حرم کی جانب پھیلتی ہی جا رہی تھی اور مسلسل گیس سلنڈر پھٹ رہے تھے اور قریب تھا کہ یہ آگ حرم کی جانب سرایت کر جائے لیکن ریسکیو ٹیم کی زحمتوں اور فائر بریگیڈ کی بہ موقع حاضری کی وجہ سے اس آگ کو کنٹرول میں کر لیا گیا۔