حوزہ نیوز ایجنسی کے مطابق، الیکشن کمیشن تہران کے سربراہ سید عباس جوہری نے کہا ہے کہ وزیرداخلہ کے حکم کے مطابق ملک میں صدارتی انتخابات آئین کے مطابق ہوں گے۔ جس کے لئے 30 مئی کو خصوصی کمیٹی تشکیل دی جائے گی۔
انہوں نے کہا: ابتدائی مرحلے میں تیس مئی سے لے کر تین جون تک امیدوار رجسٹریشن کر سکیں گے۔ جن کی چھان بین کے بعد گیارہ جون کو امیدواروں کی حتمی فہرست جاری کی جائے گی۔
سید عباس جوہری نے مزید کہا: 12 جون سے 26 جون تک امیدوار انتخابی مہم چلاسکیں گے۔
قابل ذکر ہے کہ چودہویں صدارتی انتخابات کے سلسلے میں الیکشن کا انعقاد 28 جون 2024ء جمعہ کے دن ہو گا۔
آپ کا تبصرہ