حوزہ نیوز ایجنسی کی رپورٹ کے مطابق، حوزہ علمیہ رسول اعظم کامٹی ناگپور میں شہادتِ مولا امام محمد باقر علیہ السّلام کی مناسبت سے ایک مجلسِ عزاء کا اہتمام کیا گیا، جس سے مولانا مجتبیٰ حیدر شبیری نے خطاب کیا۔
شب شہادت امام محمد باقر علیہ السّلام کی مناسبت سے مجلس عزاء حوزہ علمیہ رسول اعظم کامٹی ناگپور میں منعقد ہوئی۔
ماسٹر اظہر حسین اظہر حیدری کربلائی نے سوز و سلام پیش کیا۔
مولانا مجتبیٰ حیدر شبیری نے آیت اطیعوا اللّٰہ واطیعوا الرسول کو سرنامۂ کلام قرار دیتے ہوئے فضائل و مصائب امام امام پنجم بیان کرتے ہوئے کہا کہ ہمیں امام محمد باقر علیہ السّلام کے ارشادات پر عمل کرتے رہنا چاہئیے، جس سے ہماری دنیوی زندگی بھی کامیاب و کامران گزرے گی اور آخرت کی زندگی تو کامیاب و کامران ہے ہی۔
ناگپور سے جناب مولانا الحاج غلام حسنین صاحب نے نیز شرکت کی۔
