حوزہ نیوز ایجنسی کے مطابق،حضرت آیت الله وحید خراسانی نے مؤمنین کو اجازت دی ہے کہ وہ سہمِ امام میں سے ایک تہائی رقم کو جنوبی لبنان میں حادثات سے متاثرہ افراد کی ضروریات پوری کرنے اور ان کی مدد کے لیے خرچ کر سکتے ہیں۔

اس مرجع تقلید کے دفتر نے اعلان کیا ہے کہ لبنان کے حادثات سے متاثرہ افراد کی مدد کے لیے مؤمنین کی جانب سے موصول ہونے والی درخواستوں کے جواب میں، آیت اللہ العظمیٰ وحید خراسانی نے لبنان میں مصیبت زدگان سے ہمدردی کا اظہار کرتے ہوئے کہا ہے کہ "مؤمنین کو اجازت ہے کہ وہ سہمِ امام میں سے ایک تہائی رقم جنوبی لبنان کے عوام کی مدد کے لیے خرچ کر سکتے ہیں"۔

مزید سوالات یا رقم کی منتقلی کے لیے، دفتر قم کے وجوہات شرعیہ سیکشن کے نمبر 00982537740611 پر رابطہ کریں۔