حوزہ نیوز ایجنسی کی رپورٹ کے مطابق، شیعہ علماء کونسل آسٹریلیا کے صدر اور امامِ جمعہ میلبورن، حجت الاسلام والمسلمین مولانا سید ابو القاسم رضوی نے اپنے بیان میں کہا کہ جمادی الثانی تاریخ کی دو عظیم ماؤں کا مہینہ ہے؛ ایک وہ کہ جو سیدالشہداء امام حسینؑ کی والدہ ہیں، اور دوسری وہ کہ جو بابُ الحوائج حضرت عباسؑ کی گرامی والدہ ہیں۔
انہوں نے کہا کہ ایک ماں کو خدا نے اس لیے منتخب فرمایا کہ وہ دین کو بچائے، اور دوسری کے لیے امیرالمؤمنینؑ نے نمازِ شب میں یہ دعا مانگی کہ اس کے فرزند دینِ خدا کے محافظ اور حسینؑ کے سپر بن جائیں۔ اگر صرف بیٹوں کو جنم دینے سے کوئی عورت اُمُّ البنین کہلاتی، تو تاریخ حضرت عباسؑ کی والدہ کو یہ رُتبہ نہ دیتی۔ بلکہ ان کی ذات اقدس صبر، ایثار اور قربانی کا پیکر ہے؛ وہ خاتون جنہوں نے راہِ خدا میں اپنے چار بیٹے، داماد اور پوتا قربان کر دیا۔
مولانا رضوی نے مزید کہا کہ ۳ جمادی الثانی سے ۱۳ جمادی الثانی تک کا عرصہ "عشرۂ مادرِ حسینؑ و مادرِ عباسؑ" کے عنوان سے منسوب ہے۔
آپ کا تبصرہ