حوزہ نیوز ایجنسی کی رپورٹ کے مطابق، آیت اللہ العظمیٰ حاج شیخ جعفر سبحانی نے آیت اللہ العظمیٰ وحید خراسانیؒ کے انتقال پر اظہارِ تعزیت اور ان کے اہل خانہ سے ہمدردی کے لیے قم میں ان کے گھر پر حاضری دی اور الوداعی پروگرام میں شرکت کی۔
آیت اللہ العظمیٰ وحید خراسانیؒ کے جسدِ مطہر سے الوداع اور اہل بیت علیہم السلام سے توسل کے لئے مجلس عزا قم المقدسہ میں صفائیہ اسٹریٹ میں واقع آیت اللہ العظمی وحید خراسانی کے دفتر میں منعقد ہوئی۔ اس موقع پر ذاکرین اہل بیت علیہم السلام نے مرثیہ خوانی کی، جبکہ عقیدت مندوں نے اشکبار آنکھوں سے اس عظیم مرجع کو الوداع کہا۔
آیت اللہ العظمیٰ وحید خراسانیؒ کی تشییعِ جنازہ کل بروز بدھ 18 نومبر کو صبح 9 بجے مسجد فاطمیہ، خیابان 19 دی (باجک) سے حرم مطہر حضرت فاطمہ معصومہ سلام اللہ علیہا تک عمل میں آئے گی۔
واضح رہے کہ آیت اللہ العظمیٰ وحید خراسانیؒ نے سات دہائیوں تک علمی جدوجہد، دینی تعلیم و تربیت، حوزات علمیہ میں شاگردوں کی تربیت اور اہل بیت علیہم السلام کی خالص تعلیمات کی ترویج و تبیین میں گراں قدر خدمات انجام دیں۔ آپ 17 نومبر 2026 کی صبح میں اس دارِ فانی سے رخصت ہو کر اپنے خالقِ حقیقی سے جا لے۔










آپ کا تبصرہ