حوزہ نیوز ایجنسی کے رپورٹ کے مطابق حجت الاسلام والمسلمین حسن روحانی نے اتوار کے روز وزیر اعظم پاکستان «عمران خان» کی جانب سے کئے گئے ایک ٹیلی فونک رابطے کے دوران گفتگو کرتے ہوئے کہا کہ کشمیر کے لئے کوئی فوجی طریقہ نہیں بلکہ اسے سفارتی طریقے سے حل کرنا ہوگا اور ایران مسلم قوموں کے حقوق دلوانے میں کسی بھی تعاون سے دریغ نہیں کرے گا.
ایرنا نیوز کی رپورٹ کے مطابق انہوں نے اس عزم کا اعادہ کیا ہے کہ اسلامی جمہوریہ ایران خطے میں قیام امن و سلامتی کے لئے ہر ممکن کوشش کرے گا.
انہوں نے عیدالاضحی کی آمد پر بھی پاکستانی قوم اور حکومت کو مبارکباد پیش کرتے ہوئے کہا ہے کہ پاک ایران تعلقات ہمیشہ برادرانہ اور گہرے ہیں اور مستقبل میں بھی ایسے ہی رہیں گے.