۷ بهمن ۱۴۰۱ |۵ رجب ۱۴۴۴ | Jan 27, 2023
دبئی

حوزہ/دنیا کے مختلف حصوں میں مسافر ،طلباء اور سیاحوں سمیت کم از کم 25 ہزار ہندوستانی شہری پھنسے ہوئے ہیں۔

حوزہ نیوز ایجنسی کی رپورٹ کے مطابق،دبئی، دنیا کے بہت سے ممالک میں، کورونا وائرس کے پیش نظر لاک ڈاؤن نافذ کردیا گیا ہے۔ اس کی وجہ سے ، ہندوستانی شہری بھی بہت سے ممالک میں پھنس چکے ہیں۔ حال ہی میں ، انہیں ملک واپس لانے کی قواعد تیز ہوگئی ہے۔ وہیں دھوکہ باز افراد لوگوں کی ذاتی معلومات پر بھی نگاہ گڑائے ہوئے ہیں۔
اس سلسلے میں ، متحدہ عرب امارات(UAE) میں پھنسے ہوئے متعدد ہندوستانیوں کو جعلی سرکلروں کے ذریعہ سوشل میڈیا پر کہا جارہا ہے کہ اپنی ذاتی تفصیلات ہندوستانی قونصل خانے کی مختلف ای میل آئی ڈی پر بھیجیں تاکہ کورونا وائرس وباء کے مد نظر، انہیں گھر بھیجا جاسکے۔

دبئی میں ہندوستانی قونصل خانے نے کہا کہ ایسے سرکلر جعلی ہیں۔

دبئی میں ہندوستان کے قونصل خانہ (سی جی آئی) نے منگل کے روز ٹویٹ کیا ، ہمیں ایسے پیغامات کے بارے میں معلومات موصول ہوئی ہیں جن میں وطن واپسی کے لیے دبئی کے ہندوستانی قونصل خانے کو ویزا رکھنے والے، بوڑھوں، بے روزگاروں وغیرہ کی تفصیلات شامل ہیں جسمیں آپ سے معلومات فراہم کرنے کو کہا گیا ہے۔ سی جی آئی دبئی نے ایسی کوئی مشاورت جاری نہیں کی ہے۔ ہندوستانی شہریوں کو اس پر توجہ دینی چاہئے۔

ہندوستانی سفارتخانے نے کہا ، 'ہم نے کوئی پیغام نہیں بھیجا'
ابوظہبی میں ہندوستانی سفارتخانے نے کہا کہ اس نے ایسا کوئی پیغام نہیں بھیجا ہے۔ اطلاعات کے مطابق ، دنیا کے مختلف حصوں میں مسافر ،طلباء اور سیاحوں سمیت کم از کم 25 ہزار ہندوستانی شہری پھنسے ہوئے ہیں۔ خیال کیا جاتا ہے کہ ان شہریوں کی کافی تعداد متحدہ عرب امارات میں ہے۔ منگل کو کورونا وائرس کے وباء کی وجہ سے ہندوستان نے لاک ڈاؤن کی مدت میں تین مئی کی توسیع کردی ہے۔
خلیج ٹائمز کی خبر کے مطابق ، متحدہ عرب امارات میں ہندوستانی سفیر پون کپور نے کہا ہے کہ بحران سے دوچار افراد جنہیں خدمات کی ضرورت ہے وہ ca.abudhabi@mea.gov.in پر لکھ سکتے ہیں۔ ڈاکٹروں کی ایک ٹیم ہے جو اس میں مدد کررہی ہے۔

تبصرہ ارسال

You are replying to: .
1 + 3 =