حوزہ نیوز ایجنسی کی رپورٹ کے مطابق عراق میں اہلسنت کے مفتی شیخ مهدی الصمیدعی نے کہا کہ جس اہلسنت نمائندے نے بھی عراق سے غیر ملکی قابض افواج کے اس ملک سے چلے جانے کے حق میں ووٹ نہیں دیا اس نے مذہب اہل سنت سے خیانت کی ہے۔
عراق میں اہل سنت دارالافتاء نے مفتی شیخ مہدی کے حوالے سے فیس بک پیج پر لکھا کہ عراقی پارلیمنٹ کے جس اہل سنت میں نے اس ملک سے غیر ملکی قابض فوج کے انخلاء کے حق میں ووٹ نہیں دیا ہے اس نے مذہب اہل سنت اور عراق سے خیانت کی ہے۔
یاد رہے کہ رواں سال کے ابتدائی دنوں میں عراقی پارلیمنٹ نے عراق میں موجود امریکی اور دیگر تمام غیر ملکی افواج کے اس ملک سے انخلاء کے متعلق بل پاس کیا تھا اور اب عراقی پارلیمنٹ کے ممبران کی طرف سے یہ مطالبہ زور پکڑتا جا رہا ہے کہ اس پر عمل درآمد کرتے ہوئے عراق سے غیر ملکی افواج کو نکال باہر کیا جائے۔
