حوزہ نیوز ایجنسی کی رپورٹ کے مطابق، گذشتہ ہفتے نمائندگان طلاب ہندوستان کی امور خانوادہ جامعہ المصطفی العالمیہ قم المقدسہ کے مسئول حجہ الاسلام و المسلمین جناب مشایخی صاحب کے ساتھ ایک اہم میٹینگ ہوئی، میٹینگ کا آغاز تلاوت قرآن کریم سے ہوا۔ اس کے بعد (ریاست محترم امور خانوادہ) نے نمائندوں کو خوش آمدید کہتے ہوئے عشرہ فجر کی مبارک باد پیش کی اور کہا کہ ہم سب امام خمینی(رح) کے مکتب کے شاگرد ہیں اور ہم جہاں  بھی ہوں اور جہاں بھی رہیں ہمیں ولایت کا مدافع ہونا چاہیے۔

حجة الاسلام والمسلمین مشایخی صاحب نے عشرہ فجر اور امام خمینی(رح) کی سیرت پر مزید روشنی ڈالی ان کی گفتگو کے بعد تمام نمائندوں کی جانب سے نمائندوں کے صدر حجة الاسلام والمسلمین سید اطہر حسین جعفری نے بھی عشرہ فجر کی مبارک باد پییش کی نمائندوں کے صدر نے طلاب کی مشکلات کو مفصلا بیان کیا۔ مسئول امور خانوادہ جامعہ المصطفی العالمیہ نے طلاب کے مسائل کے حل کیلئے اپنی طرف سے پوری کوشش و عزم کا اظہار کیا۔

اس میٹینگ میں طلاب قم کی نمائندگی کرتے ہوئے مولانا سید اطہر حسین جعفری، مولانا سید امان حیدر، مولانا سید محمد قاسم، مولانا علی ابن الحسین، میر مولانا مقبول اور مولانا سید محمود رضوی بھی موجود تھے جب کے خواہران کی جانب سے دو خواہران نمائندگی کر رہی تھیں۔