۲ اردیبهشت ۱۴۰۳ |۱۲ شوال ۱۴۴۵ | Apr 21, 2024
مولانا سید محمد سعید نقوی

حوزہ/ جب بھی کوئی انصاف پسند بےشیر کی قربانی کا بیان سنتا ہے تو وہ کربلا والون کی بےگناہی کا قائل ہوئے بغیر نہیں رہ پاتا ہے۔

حوزہ نیوز ایجنسی کی رپورٹ کے مطابق،دیوبند کے نزدیکی گاوں تھیتکی میں کل کووڈ پروٹوکول کی رعایت کے ساتھ یوم علی اصغر منایا گیا۔ یوم علی اصغر عالمی سطح پر محرم کے پہلے جمعہ کو منایا جاتا ہے۔ انجمن سعیدیہ کی اپیل پر کل خصوصیت کے ساتھ پہلی بار یوم اصغر منایا گیا۔ مولانا سید محمد سعید نقوی نے اس موقع پر تقریر کرتے ہوئے کہا کہ آج کا دن امام حسین کے ششماہے جناب علی اصغر سے منسوب کیا گیا ہے۔ جناب علی اصغر کی قربانی امام حسین کی مظلومی کی سب سے بڑی دلیل ہے جو عالمی سطح پر ہر مسلک کے لوگوں کو پہلے زیادہ متاثر اور کربلا سے مانوس کیے ہوئے ہے۔ جب بھی کوئی انصاف پسند بےشیر کی قربانی کا بیان سنتا ہے تو وہ کربلا والون کی بےگناہی کا قائل ہوئے بغیر نہیں رہ پاتا ہے۔

جناب علی اصغر کی قربانی امام حسین کی مظلومی کی سب سے بڑی دلیل ہے، مولانا سید محمد سعید نقوی
مولانا سید محمد سعید نقوی 

انہوں نے کہا کہ اسی لیے اسلام دشمن اور کربلا مخالف عناصر مل کر اس مہم (یوم اصغر) کے خلاف بڑی بڑی کانفرنسیں کررہے ہیں ریزولیشن پاس کررہے ہیں عدالتوں میں عرضیاں داخل کررہے ہیں تاکہ یوم علی اصغر کو عام ہونے سے روکا جاسکے۔ دشمن امام خمینیؒ کی اس باطل شکن اپیل کے نتائج ذلت ورسوائی کے ساتھ اپنی آنکھوں سے دیکھ چکا ہے اور دیکھ رہا ہے جس میں انہوں نے کہا تھا کہ ماہ رمضان کے آخری جمعہ کو یوم قدس کے طور پر منایا جائے تاکہ اسرائیل کی غاصبانہ حیثیت دنیا کے سامنے اجاگر ہوسکے لہذا وہ اپنے طور پر ہر ممکن کوشش کررہا ہے تاکہ یوم علی اصغر کو عام ہونے سے روکا جاسکے۔ دشمن اس پر کافی وقت اور بڑا بجٹ خرچ کررہا ہے ۔

آخر میں زور دیتے ہوئے کہا کہ عزاداروں مسلمانوں کو ہوشیار رہنے کی ضرورت ہے۔ انہیں چاہیے کہ وہ جناب علی اصغر کی قربانی کا زیادہ سے زیادہ تذکرہ کریں۔ ان کی شہادت کے بیان پر توجہ مرکوز کریں تاکہ دشمن عزا رسوائی کے ساتھ اپنی سازشوں میں ناکام ہوسکے۔

تبصرہ ارسال

You are replying to: .