حوزہ نیوز ایجنسی کی رپورٹ کے مطابق،متحدہ جمعیت اہلحدیث پاکستان اسلام آباد کے زیر اہتمام مقامی ہوٹل میں پیغام پاکستان کانفرنس منعقد ہوئی، جس میں پیغام پاکستان کی روشنی میں بین المذاہب و المسالک ہم آہنگی اور فرقہ واریت کے خاتمہ کے عنوان سے تمام مکتبہ ہائے فکر کے جید علماu و مشائخ نے اظہار خیال کیا۔

تصویری جھلکیاں:  اسلام آباد میں متحدہ جمعیت اہلحدیث کی جانب سے پیغام پاکستان کانفرنس

کانفرنس متحدہ جمعیت اہلحدیث پاکستان اسلام آباد کے روح رواں سید ضیاu اللہ شاہ بخاری کی جانب سے منعقد کی گئی۔ جس میں وفاقی وزیر مذہبی امور پیر نورالحق قادری، علامہ عارف حسین واحدی، پیر ہارون گیلانی، پیر نقیب الرحمن، علامہ راجہ ناصر عباس جعفری، ناصر عباس شیرازی، علامہ حسن ظفر نقوی اور ثاقب اکبر سمیت دیگر علماء کرام و مشائخ نے شرکت کی۔

مقررین کا کہنا تھا کہ پیغام پاکستان ایک بہترین دستاویز ہے، اسے قومی اور علاقائی سطح پر پھیلانے کی ضرورت ہے۔ چہلم کے موقع پر بین المسالک ہم آہنگی یقینی بنانے کیلئے پیغام پاکستان کی روشنی میں تشکیل دیئے گئے ضابطہ اخلاق کو مدنظر رکھا جائے۔