۲ آبان ۱۴۰۰ |۱۷ ربیع‌الاول ۱۴۴۳ | Oct 24, 2021
آغا حسن

حوزہ/آغا حسن کا اظہار تعزیت مرحوم کی علمی تبلیغی اور تدریسی خدمات کو خراج 

حوزہ نیوز ایجنسی کی رپورٹ کے مطابق،جموں و کشمیر انجمن شرعی شیعیان کے صدر حجت الاسلام والمسلمین آغا سید حسن الموسوی الصفوی نے حوزہ علمیہ قم کے بلند پایہ استاد ، برجستہ عالم دین ،فلسفی ،عارف باللہ آیت اللہ علامہ حسن زادہ عاملی کی وفات پر گہرے صدمے کا اظہار کرتے ہوئے حضرت ولی العصر( عج)، رہبر معظم حضرت امام خامنہ ای مدظلہا، حوزہ علمیہ قم کے اساتید و طلاب اور مرحوم کے لواحقین و پسماندگان سے تعزیت کی۔

آغا صاحب نے آیت اللہ حسن زادہ عاملی کی گرانقدر تدریسی خدمات اور تدریسی صلاحتیوں کو خراج عقیدت پیش کرتے ہوئے کہا کہ مرحوم عرصہ دراز تک حوزہ علمیہ قم میں مصروف خدمت رہے اور ہزاروں طلاب نے ان سے شرف تلمذ حاصل کیا جو اس وقت دنیا کے مختلف ممالک میں مصروف خدمت دین ہیں مرحوم رہبر معظم کے غیر معمولی مداح تھے اور انقلاب اسلامی سے غیر معمولی محبت و عقدیت کی بنا پر رہبر معظم کے نزدیک قدر و منزلت رکھتے تھے۔

آغا صاحب نے مرحوم کے بلند درجات کی دعا کرتے ہوئے تمام مراجع کرام علماے دین اور فقہاے عظام کی صحت و سلامتی اور عمر درازی کی دعا کی۔

تبصرہ ارسال

You are replying to: .
9 + 4 =