حوزہ نیوز ایجنسی کی رپورٹ کے مطابق،سرگودھا/ امامیہ اسٹوڈنٹس آرگنائزیشن پاکستان کا دو روزہ 45 واں ”جہدمسلسل و عزم نو کنونشن“ 8 جنوری سے امام بارگاہ دارلعلوم محمدیہ 19 بلاک میں شروع ہو رہا ہے ۔کنونشن میں نئے ڈویژنل صدر کا انتخاب ہوگا ۔

کنونشن کا آغاز شھید تنصیر حیدر کے مرقد پر اسکاوٹس سلامی سے ہوگا۔ کارکردگی رپورٹس، اسٹڈی سرکل جیسے پروگرامات کے ساتھ اسلام اور موجودہ تعلیمی نظام کانفرنس بھی منعقد ہوگی۔

8 جنوری بروز ہفتہ آئی ایس او پاکستان سرگودھا ڈویژن کی مجلس عمومی نئے ڈویژنل صدر کا انتخاب کرے گی۔ جس کا اعلان اتوار کو کیا جائے گا۔

واضح رہے کہ 22 مئی 1972ءکو انجینئرنگ یونیورسٹی لاہور سے تنظیمی سفر کا آغاز کرنے والی امامیہ اسٹوڈنٹس آرگنائزیشن پاکستان , سرگودھا ڈویژن میں اپنے درخشندہ 45 سال مکمل کر چکی ہے۔