حوزہ نیوز ایجنسی کے مطابق، شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی نے جامعہ مسجد بقیۃ اللہ ڈیفنس کراچی میں نماز جمعہ کے خطبات کے دوران کہا: انسان عام طور پر یہ تصور کرتا ہے کہ شاید اس کے پاس نعمتوں کی کمی ہے لیکن حقیقت میں اللہ تعالی کی ہم انسانوں پر نعمتیں اتنی زیادہ ہیں جن کو شمار کرنا انسان کے بس میں نہیں ہے۔
انہوں نے کہا: اللہ تعالی کی ایک بہت بڑی نعمت سمندری طوفان بپرجوائے سے قوم کا محفوظ رہنا ہے۔ اللہ تعالی نے قوم پر خصوصی رحم فرمایا۔ جس پر تمام قوم کو اللہ تعالی کا شکرادا کرنا چاہیے اور اللہ تعالی کی بارگاہ میں صدق دل سے یہ دعا کرنا چاہیے کہ اللہ تعالی ان تمام انسانوں کی مشکلات آسان فرمائے جو ان مشکلات میں گھرے ہوئے ہیں
