حوزہ نیوز ایجنسی کی رپورٹ کے مطابق، جعفریہ اسٹوڈنٹس آرگنائزیشن پاکستان یونٹ سٹی میہڑ ڈویژن سیہون کے تعاون سے سولنگی محلہ میہڑ میں قائم پنجتنی سینٹر میں تعلیمات اہلبیت علیہم السّلام حاصل کرنے والے ہونہار بچوں میں کوئز کمپیٹیشن منعقد کیا گیا۔

کوئز کمپیٹیشن میں بچوں سے دینیات کے مطابق دی گئیں تعلیمات سے برادر معلم مجاہد حسین نے مختلف سوالات کئے۔

کوئز کمپیٹیشن میں 3 بچوں نے 1s 2nd and 3rd پوزیشن حاصل کی، جن میں پہلی پوزیشن، توفیق علی، دوسری پوزیشن، شایان علی اور تیسری پوزیشن ظہیر حسین نے حاصل کی۔

پوزیشن حاصل کرنے والے بچوں کو اِنعامات سے نوازا گیا۔

کوئز کمپیٹیشن میں جعفریہ اسٹوڈنٹس آرگنائزیشن پاکستان ڈویژن سیہون کے نائب صدر برادر میثم عباس جویو، سینٹر آرگنائزر برادر شفیق احمد دروان، یونٹ سٹی میہڑ کے صدر برادر سکندر سموں، برادر دمساز علی سولنگی نے شرکت کی اور بچوں میں انعامات تقسیم کئے۔