حوزہ نیوز ایجنسی کی رپورٹ کے مطابق، لکھنؤ 3 جولائی اسلامی جمہوریہ ایران کے صدر شہید آیت اللہ ابراہیم رئیسی، وزیر خارجہ ڈاکٹر امیر عبد اللہیان اور ان کے دیگر ساتھیوں کی شہادت کی یاد میں مجلس علمائے ہند کی جانب سے مجلسِ چہلم کا انعقاد 3 جولائی کو انڈیا اسلامک کلچرل سنٹر میں ہوا، جبکہ 4 جولائی کو بوقت 30:08 بجے درگاہ حضرت عباس رستم نگر میں کیا گیا ہے۔ جس میں شہداء کے خانوادے کے معززین اور ایران سے مختلف دانشور حضرات شریک ہوں گے۔

مہمانانوں میں ڈاکٹر احمد (قاسمی) صالحی رئیس مرکز ارتباط رئیس جمہور،ڈاکٹر سید عماد الدین موسوی عباسی (پروفیسر آف یونیورسٹی)، ڈاکٹر محمد رضا عابدیائی (ماہر ثقافت) ڈاکٹر عبدالحسین کلانتی (معاون وزارت علوم)، سید علی رئیسی الساداتی (شہید ابراہیم رئیسی کے بھائی)، شامل ہیں۔

واضح رہے کہ کل 4 جولائی کو درگاہ حضرت عبّاس رستم نگر لکھنؤ میں شہدائے خدمت کی یاد میں اہم کانفرنس منعقد ہوگی اور ایرانی و ہندوستانی شخصیات خطاب کریں گے۔

کانفرنس سے حجت الاسلام والمسلمین سید کلب جواد نقوی بھی خطاب کریں گے۔

مجلسِ علمائے ہند نے اس موقع پر مؤمنین سے زیادہ سے زیادہ شرکت کی اپیل کی ہے۔