حوزہ نیوز ایجنسی کی رپورٹ کے مطابق، مشہد مقدس میں مقیم ہندوستانی طلاب کی جانب سے عید غدیر کی مناسبت سے ایک عظیم الشان جشن منعقد ہوا، جس میں ہندوستان میں نمائندہ ولی فقیہ حجت الاسلام والمسلمین مہدی مہدوی پور نے شرکت اور خطاب کیا۔
جشن غدیر میں تمام علمائے کرام و طلاب ہندوستان مقیم مشہد مقدس اور زائرین حضرت امام رضا علیہ السّلام نے شرکت کی۔
جشن میں طلاب کرام اور دیگر شعرائے کرام نے مدح سرائی کی اور واقعہ غدیر پر روشنی ڈالی۔
جشن کے آخر میں ہندوستان میں رہبرِ انقلابِ اسلامی حضرت آیت اللہ العظمٰی سید علی خامنہ ای کے نمائندے حجت الاسلام والمسلمین مہدوی پور واقعہ غدیر پر روشنی ڈالتے ہوئے کہا کہ غدیر ایک واقعہ نہیں ہے بلکہ ایک اسلامی تاریخ ہے جسے کوئی بھلا نہیں سکتا۔
انہوں نے مزید کہا کہ غدیر دین کی تکمیل ہے، جس سے امامت و ولایت ہم مسلمانوں کو ملی، اگر دنیا کے مسلمان غدیر کو دل سے قبول کرلیں تو تمام مشکلات حل ہو جائیں گے اور مسلمانوں میں وحدت قائم ہو جائے گا۔
جشن کے اختتام پر مولانا سید مناظر نقوی نے حاضرین محفل کا شکریہ ادا کیا اور عید غدیر کی مبارک باد پیش کی۔
