حوزہ نیوز ایجنسی کی رپورٹ کے مطابق، غزہ میں جنگ کے آغاز کو 304 دن گزر گئے ہیں، اس موقع پر غزہ کی وزارت صحت نے شہداء کی تعداد 39 ہزار 623 تک پہنچنے کا اعلان کیا ہے۔

غزہ کی وزارت صحت کے اعلان کے مطابق 91,469 افراد زخمی ہو چکے ہیں اور ساتھ ہی 10,000 سے زائد فلسطینیوں کی لاشیں اب بھی عمارت کے ملبے تلے دبی ہوئی ہیں اور ریسکیو فورسز شہداء کی لاشوں کو تلاش کرنے یا نکالنے میں ناکام ہیں۔

غزہ کی وزارت صحت نے یہ بھی اعلان کیا کہ قابض صہیونی فوج نے گزشتہ 24 گھنٹوں کے دوران شہریوں کے خلاف مزید تین حملے کئے ہیں جس کے نتیجے میں 40 افراد شہید اور 71 زخمی ہوئے۔