حوزہ نیوز ایجنسی کی رپورٹ کے مطابق، خطیب حرم حضرت معصومہ (س) حجت الاسلام والمسلمین سید حسین مومنی نے معرفت اور اہل بیت علیہم السلام سے محبت کو انسانی سعادت کا ذریعہ قرار دیا اور کہا کہ حضرت امالبنین سلاماللہ علیها نے اپنی تمام محبت خدا کی راہ میں وقف کردی۔
انہوں نے گزشتہ شب حرم حضرت معصومہ سلام اللہ علیہا میں خطاب کرتے ہوئے کہا: قرآن کریم، معصومین علیہم السلام کے اقوال، دعاؤں اور زیارت ناموں، جیسے زیارت جامعہ کبیرہ، میں معرفت اور محبت کی اہمیت کو بیان کیا گیا ہے۔
انہوں نے کہا: اگر انسان ان دو اصولوں کو اپنی بندگی کی راہ میں شامل کرلے تو وہ دنیا اور آخرت دونوں میں کامیابی حاصل کرسکتا ہے۔ معرفت اور محبت انسان کو ایک مضبوط مؤمن بنا سکتی ہیں، جو پہاڑ کی طرح ثابت قدم ہو۔
حجت الاسلام والمسلمین مومنی نے وضاحت کی کہ خدا نے انسان کو اپنی حقیقی معرفت کے لیے پیدا کیا ہے اور جو اس معرفت کو حاصل کرے، وہ حقیقی عبد بن جاتا ہے۔ ایسا عبد غیر اللہ سے بے نیاز ہوجاتا ہے۔
انہوں نے مزید کہا: خدا کے احکامات کی پیروی اور اس کے محرمات سے اجتناب، معرفت اور محبت کا نتیجہ ہیں اور یہی دنیا و آخرت کی سعادت کا ذریعہ ہیں۔
انہوں نے حضرت سید الشہداء (علیہ السلام) کا ذکر کرتے ہوئے کہا: واقعہ کربلا میں سخت ترین آزمائشوں کے باوجود امام حسین (علیہ السلام) خدا کے حکم کے سامنے مکمل طور پر تسلیم تھے۔
انہوں نے معرفت رسول اللہ صلی اللہ علیہ وآلہ وسلم کو ایمان کی بنیاد قرار دیتے ہوئے کہا کہ رسول اللہ کے تمام اقوال خداوند کی طرف سے ہیں، اور چودہ معصومین علیہم السلام سے محبت، محبت الٰہی کا سبب بنتی ہے۔
حجت الاسلام والمسلمین مومنی نے حضرت امالبنین سلاماللہ علیها کا ذکر کرتے ہوئے کہا: تاریخ میں اس عظیم خاتون کا نام درج ہے، جنہوں نے حضرت فاطمہ الزہرا سلاماللهعلیها کے بعد ان کے بچوں کی سرپرستی کی اور ایک ایسا گھرانہ آباد کیا جس نے واقعہ کربلا میں عظیم قربانی دی۔
انہوں نے کہا: حضرت امالبنین سلاماللهعلیها کی اہل بیت علیہم السلام سے محبت اور معرفت مکمل اور حقیقی تھی، اور انہوں نے اپنی زندگی خدا کی رضا کے لیے وقف کردی۔
