حوزہ نیوز ایجنسی| شہزادی کونین حضرت فاطمہ زہرا سلام اللہ علیہا کی ولادت باسعادت کے موقع پر مولانا مہدی باقر خان کے کچھ اشعار سامعین کی خدمت میں حاضر ہیں۔
شاعر: مولانا مہدی باقرخان
چاند تارے آفتاب و کہکشاں روشن ہوئے
شمع عصمت کی ضیا سے دوجہاں روشن ہوئے
صحن احمد سے ابو طالب کے گھر تک نور ہے
ایک زہرا کے سبب دو دو مکاں روشن ہوئے
آمد زہرا زمیں پر محفلیں ہیں عرش پر
نور زہرا سے زمین و آسماں روشن ہوئے
ہم سے کلمہ گو پہ بس تسبیح زہرا کے طفیل
معنی و مفہوم ِ اسرار اذاں روشن ہوئے
وہ ہو زُہرہ یا کہ فضہ پہلے کب معروف تھے
تیرے در پہ آئے تب نام و نشاں روشن ہوئے
وہ خمینی ہوں کہ ہوں وہ خامنایئ ِ دلیر
تیری ره په چل کے میر کارواں روشن ہوئے
یاد زہرا کے تصدق، ذکر زہرا کے طفیل
نام سے بی بی کے سب اہل زباں روشن ہوئے
خیمہء جاں کی سبھی تاریکیاں زائل ہوئیں
فرش محفل سجتے ہی سارے مکاں روشن ہوئے
خون سرور سے ہوئی ہیں مسجدیں آباد سب
ابن زہرا سے مکان لا مکاں روشن ہوئے
آپ کا تبصرہ