حوزہ نیوز ایجنسی کے مطابق، حجت الاسلام والمسلمین محمدباقر شریعتی سبزواری نے اس تقریب میں، جو آیت اللہ ابوطالب تجلیل (رہ) کے دروس کے تقریرات پر مبنی کتاب "فقہ جلیل" کی رونمائی کے موقع پر منعقد ہوئی، اسلام میں فقہ اور فقاہت کی اہمیت اور فقیہ کے کردار پر تفصیل سے گفتگو کی گئی۔

انہوں نے کہا: فقہ اسلام میں ایک منفرد مقام رکھتی ہے اور ایک فقیہ کو دین کی عمیق سمجھ بوجھ اور احکام الٰہی کا درست فہم حاصل ہونا چاہیے۔

حوزہ علمیہ کے اس استاد نے مزید کہا: اسلام میں فقہ اور فقاہت صرف دینی احکام تک محدود نہیں بلکہ یہ اصول، عقائد اور اخلاق سے بھی جڑی ہوئی ہے۔ امام صادق علیہ السلام کتاب "کافی" میں فرماتے ہیں: "إذا أراد الله بعبدٍ خیراً زهّده فی الدنیا و فقّهه فی الدین" یعنی جب اللہ کسی بندے کے لیے بھلائی چاہتا ہے تو اسے دنیا سے بے رغبت کرتا ہے اور دین میں فقیہ بنا دیتا ہے۔

انہوں نے آیہ شریفہ "وَلَوْلَا نَفَرَ مِن کُلِّ فِرْقَةٍ مِّنْهُمْ طَائِفَةٌ لِّیَتَفَقَّهُوا فِی الدِّینِ…" کا حوالہ دیتے ہوئے کہا: دین میں تفقہ نہ صرف فقہی مسائل بلکہ دینی اصول اور اخلاق دینی سے بھی متعلق ہے۔

حجت الاسلام والمسلمین شریعتی سبزواری نے دین میں زہد کے موضوع پر روشنی ڈالتے ہوئے کہا: دنیا سے بے رغبتی فقہ کا ایک اہم رکن ہے۔ اگر فقیہ دنیاگرائی سے اجتناب نہ کرے تو فقہ اور فقاہت بھی دنیاگرائی کی طرف مائل ہو جائے گی۔

انہوں نے امام صادق علیہ السلام کے فرامین کی روشنی میں مزید کہا: دنیا سے بے رغبتی کے ساتھ فقہ اور فقاہت کو زیادہ گہرائی اور معنویت حاصل ہوتی ہے۔