حوزہ نیوز ایجنسی کے مطابق، 21 ماہ رمضان المبارک یوم شہادت امام علی علیہ السلام کی مناسبت سے قم المقدسہ میں دفتر قائد ملت جعفریہ پاکستان علامہ سید ساجد علی نقوی شعبہ قم کی جانب سے مرکزی مجلس و جلوس عزا کا اہتمام کیا گیا۔
رپورٹ کے مطابق حسینیہ ابو الفضل العباس (ع) قم میں مجلس عزاء کا باقاعدہ آغاز تلاوت کلام پاک سے ہوا۔ بعد ازاں حجت الاسلام علامہ منیر حسین عسکری نے مجلس عزا سے خطاب کرتے ہوتے سیرت امام علی علیہ السلام پر مفصّل روشنی ڈالی۔
مجلس کے فورا بعد حسینیہ سے نمائندہ قائد علامہ بشارت حسین زاہدی اور مسئول دفتر علامہ منیر حسین عسکری کی سربراہی میں جلوس تابوت برآمد ہوا۔ جو اپنے مقرر کردہ راستوں سے ہوتا ہوا حرم حضرت معصومہ (س) میں اختتام پذیر ہوا۔ جلوس عزاء میں علماء و زائرین نے کثیر تعداد میں شرکت کی۔
آپ کا تبصرہ