حوزہ نیوز ایجنسی کی رپورٹ کے مطابق، پہلی بین الاقوامی پری کانفرنس "تبیین ضرورت دروسِ معارف قرآن" آج امام خمینی(رہ) انسٹیٹیوٹ قم کے ہال میں منعقد ہوئی۔ جہاں آیت اللہ رجبی نے آیت اللہ مصباح یزدی(رہ) کی اہم تصنیف "معارف قرآن" کی علمی حیثیت اور علوم انسانی اسلامی کی ترویج میں اس کی اہمیت پر گفتگو کی۔
انہوں نے کہا: یہ کتاب مختلف جہتوں سے قرآنی معارف کا جائزہ لیتی ہے اور اپنے علمی امتیازات کے سبب کم نظیر ہے۔ قرآن کے علوم کے حقائق کو دریافت کرنا ایک ضروری امر ہے اور جتنا انسان قرآن کے علم کی طرف متوجہ ہوتا ہے اتنا ہی وہ اس بحرِ بیکراں کے عظمتوں سے آگاہ ہوتا ہے۔
حوزه علمیہ کی اعلی کونسل کے اس رکن نے کہا: امام خمینی(رہ) نے ہمیشہ علمی تعصب سے پرہیز اور انصاف کے ساتھ قرآن و معارف اسلامی کے مطالعہ کی سفارش کی ہے۔ اس کتاب کا مطالعہ بھی توجہ، دقت اور تدبر چاہتا ہے تاکہ اس کے تمام علمی ثمرات سے صحیح استفادہ ہو سکے۔
انہوں نے مزید کہا: اس کتاب میں آغاز سے اختتام تک قرآن کریم کو فقہی اور اجتہادی اصولوں کی روشنی میں بیان کیا گیا ہے۔ ساتھ ہی علوم انسانی اور سماجی پہلوؤں کو بھی جامع اور تحلیلی انداز میں واضح کیا گیا ہے، جو اس اثر کو منفرد اور عالمانہ بناتا ہے۔
آپ کا تبصرہ