حوزہ نیوز ایجنسی کی رپورٹ کے مطابق، جامعه مدرسین حوزہ علمیہ قم کے سربراہ آیت اللہ سید ہاشم حسینی بوشہری نے نے وزارت داخلہ کے نائب سیکورٹی کمانڈر اور صدر کے نائب کے معاون ثقافتی امور سے ملاقات میں حالیہ بحرانوں کے انتظام میں حکومت کی کارکردگی کو سراہتے ہوئے قومی اتحاد اور یکجہتی کو برقرار رکھنے کی ضرورت پر زور دیا اور کہا: عوام ذمہ داران اور ممتازین سے توقع رکھتے ہیں کہ وہ اختلافات کو ہوا دینے کے بجائے معاشرے کو ہمدردی، یکدلی اور تفرقے سے بچنے کی دعوت دیں۔
انہوں نے اپنی گفتگو کے دوران حالیہ مشکل حالات کے انتظام میں حکومتی کاوشوں پر خراج تحسین پیش کیا اور کہا: حکومت کے تمام اراکین صدر سے لے کر دیگر ذمہ داران اور منتظمین نے پوری طاقت کے ساتھ نظام اور عوام کی خدمت کی اور مشکل حالات میں اپنی ذمہ داری کو ثابت کیا۔
آیت اللہ حسینی بوشہری نے انقلاب اسلامی کی تاریخ کے حساس اور سرنوشت ساز تجربات کی طرف اشارہ کرتے ہوئے بحرانوں سے ملک کے گزرنے میں الہی عنایات کے کردار کو اجاگر کیا اور کہا: مختلف تاریخی مقامات پر ہم نے نظام کی حفاظت اور رہنمائی میں الہی طاقت کے اثرات کا مشاہدہ کیا ہے۔
مجلس خبرگان رہبری کے رکن نے قومی اتحاد اور یکجہتی کو برقرار رکھنے کو ایک شرعی، اخلاقی اور سماجی فریضہ قرار دیتے ہوئے کہا: اتحاد موجودہ معاشرے کی پیچیدہ حالات سے گزرنے کی ضرورت ہے اور تمام ذمہ داران، ممتازین اور سماجی تحریکوں کو اس قیمتی سرمائے کو مضبوط کرنے کے لیے کوشش کرنی چاہیے۔
آپ کا تبصرہ