حوزہ نیوز ایجنسی کی رپورٹ کے مطابق، راجستھان/ آل شیعہ علماء راجستھان کے صدر مولانا سید کاظم علی زیدی صاحب نے حسبِ سابق امسال بھی استقبالِ ایامِ عزاء فاطمیہ کے عنوان سے مختلف شیعہ بستیوں اور شہروں کا دورہ کیا۔ اس دورے کا مقصد جنابِ فاطمہ زہرا سلام اللہ علیہا کی معرفت اور خطبہ فدک کی اہمیت کو اجاگر کرنا تھا۔
مولانا کاظم علی زیدی نے اپنے تبلیغی دورے کے دوران راجستھان کی شیعہ بستیوں بھوپال ساگر، گواڑیا، سورج پورہ، موتی پورہ، راجوسی، رواڑی، بھوکر، دھولپور، باڑی، مورینہ، کوٹہ، گنگا نگر، آبو روڈ، باسن، روپن گڑھ اور بدالی کھیڑا، بھیلواڑا، علی پورا، جنکپوری، کوٹہ، نصیر آباد، میں مجالسِ عزا سے خطاب کیا۔
مولانا نے ان مجالس میں خاص طور پر جنابِ فاطمہ زہرا سلام اللہ علیہا کی سیرت و فضائل و مناقب کو بیان کیا اور خطبہ فدک پر روشنی ڈالی۔
مولانا نے اس تبلیغی دورے کو ایامِ عزا کی تیاری کے لیے انتہائی اہم قرار دیا اور امید ظاہر کی کہ اس سے عوام الناس میں حضرت فاطمہ زہرا سلام اللہ علیہا کی معرفت مزید اجاگر ہوگی۔
آپ کا تبصرہ